Andam na karon ang kapulisan sa nagkadaiyang kalungsuran sa tibuok probinsya sa Zamboanga del norte alang sa umaabot nga kalag-kalag karong bulan sa nobyembre 1 ug 2, 2018.
Nagplano na karon ang mga hepe sa kapulisan sa matag lungsod ning probinsya kun unsay angay nilang buhaton panahon sa ting dagkot sa mga menteryo aron mabantayan ang katawhan.
Hinuon mag butang man sila ug mga information desk aron mabantayan gayud ang seguridad sa katawhan nga mga dumodu-ong ilabi na nga daghanan kaayong mga katawhan nga gikan pa sa lagyong lugar nga mo bisita sa mga menteryo para managkot.
Dili lang menteryo karon ang pahugtan sa seguridad sa kapulisan apan lakip na nga mga terminal, pantalan, ug mga pampublikong lugar dinhi sa probinsya sa Zamboanga del norte.
Nagpahinumdom usab ang mga tinugyanan sa balaod nga kun mahimo dili na magdala ug mga hinagiban panahon sa ting dagkot ug hingpit usab nga gidili ang mga ilimnong makahubog.
Nag awhag nalang ang kapulisan kun mahimo nga dili na dad-on ang mga bata aron dili na malangan ug dili na mahasol ilabi na nga daghan kaayo ang mga katawhan nga mo dagkot samao nga higayon.
