General Santos City— Giangkon ni Police Chief Superintendent Arnaldo Briones, Deputy Regional Director For Administration sa Police Regional Office 12 nga gihatagan na sila ug direktiba nga mugamit ug body cameras panahon sa mga operasyon batok droga.
Apan gibutyag niini nga hangtud sa karon, wala pa silay nadawat nga bisan usa nga body camera nga maoy ipanghatag sa ilahang tropa. Wala pa usab silay nadawat nga budget alang niini ug posibleng usa kini sa mga nahisgutan sa Kampo Crame nga gitambungan ni Police Senior Superintendent Johnson Almazan, Deputy Regional Director For Operations sa PRO 12.
Dugang pamahayag ni General Briones nga ang paggamit ug body camera ang usa sa mga nakitang solusyon aron nga malikayan ang duda ngadto sa operasyon sa kapulisan kontra droga.
Pag-angkon niya nga lakip gyud sa mga duda mao ang sumala pa planted nga ebidensya o tinuyuan nga mga operasyon sa kapulisan ingon man mga pagpangabuso sa tawhanong katungod.
Apan sa karon kini ang plano pa lang gumikan wala pan silay gihatag nga bugdet ngadto sa managlahing unit sa kapulisan aron sa pag[alit niini.
Samtang gibutyag ni Police Senior Superintendent Romeo Ruel Berango, Acting City Director sa Gensan City Police Office nga andam sila ng mangita ug pondo alang sa maong body cameras.
Sa karon matud pa nagsugod na ang ilahang pagpangita ug body cameras subay sa direktiba kanila sa national ug regional headquarters. Pamahayag ni Col. Berango nga andam siyang mangayo ug tabang pinansyal sa lokal nga panggamhanan sa dakbayan aron nga maka-provide ug body cameras ang kapulisan.
Pag-angkon niya nga wala pa gyu’y gipagawas nga budget ang kapulisan alang maong mga body cameras ingon man sa pagpahigayon ug mga anti-illegal drugs operation.
Rason nga sa karon, ilaha unang i-base sa kasamtangang MOOE sa GSCPO ang tanang mga gikinahanglan sama sa budget sa operasyon batok illegal nga droga. Apan iyahang gipaniguro nga dili maapektuhan ang ubang aspeto nga kinahanglan gastusan sa kapulisan sa dakbayan
