Ginatun-an nila sa subong suno kay T`boli Mayor Dibu Tuan kon bala pwede ibawal ukon i-ban sa pag-agi sa dalanon sang Barangay Lambangan kag Barangay Lamsalome sa nasambit nga banwa ang mga kargado nga salakyan agud nga indi na suno pa masulit ang natabo nga isa ka forward truck ang nahulog sa bangin sa nasambit nga area nga ginkapatay sang 20 katawo nga ginalakipan sang mga kabataan.
Samtang suno sa alkalde magapatigayon pa sila sang pagsinapol upod ang mga concern nga ahensya kapareho sang DPWH kag iban pa agud nga hibaluon ang legalidad sang nasambit nga plano.
Apang sa subong nga wala pa napatuman nakatutok sila sa pagpatigayon sang information dissemination agud nga indi na masulit ang insidente.
Ginkumpirmar man ni Mayor Tuan nga naghatag man sang ayuda sa mga biktima ang LGU T`boli paagi sa paglibre sa proseso sang death certificate kag magahatag man sila sang cash assistance.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
