Ginkumpirmar ni Provincial Veterinarian Renante Decena nga may pagsaka karun sang presyo sang baboy. Suno kay Dr. Decena, kun sa commercial nga presyuhanay , nagadangat sa P137-P140 ang kilo sang buhi nga baboy samtang P125 naman kun backyard.
Isa sa ginalantaw sini nga rason sa pagsaka sang presyuhanay amo mataas nga demand bangud sang holidays kag pagbuhin sang buhi nga mga baboy bangud nga ini ang ginapadala sa Luzon.
Samtang sa pagbisita sang RMN News Team sa Burgos Public Market sa ciudad sang Bacolod, yara sa P220 ang kilo sang karne sang baboy.
Ginpahayag man sang isa ka manugbaligya sang karne sa merkado nga mahina subong nga tuig ang ila baligyaanay. Kun sang December 2019 nagalab-ot pa sa apat ka baboy ang ila mapaihaw kag mabaligya sa isa ka adlaw, subong nga tuig, tag duha na lang. Sa pihak nga bahin, ang presyo sang karne sang baka ang nagadangat sa P300 ang kilo sa Burgos Public Market.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
