Sarangani Province–Dako ang pagmaya sa mga katawhan sa Alabel, Sarangani Province tungod sa mga nadawat nga grasya og bendisyon hinungdan nga layo-layo na matud pag naabtan ang ilang munisipyo kwarentay-syete (47) katuig na ang nilabay.
Taliwala sa hulga sa seguridad, nahimong nagmasadyaon og nagmalampuson ang ilang kasaulugan bag-uhay lang sa ika-47 nga foundation anniversary og ika-17 nga Kasadyaan Festival kung diin gitambungan kini nila Congressman Ruel Pacquiao, Governor Steve Chiongbian Solon, Vice Governor Elmer De Peralta, mga board member, mga opisyales sa kasikbit nga lungsod sa Malapatan og Malungon, mga kapulisan og kasundaluhan, og anaa pud ang presensya ni Maguindanao 2nd District Congressman Zajid “Dong” Mangudadatu.
Tuig 1971 mao ang petsa nga gi-aprobahan ni Pangulong Ferdinand Marcos ang balaod nga giduso ni Congressman James Chiongbian, lolo ni Governor Solon, aron mahimong hingpit nga munisipyo ang Alabel.
