Nagpaabot og pahasubo ang mga opisyal sa Brgy. Sinaliw Malaki ngadto sa pamilya sa estudyanteng nakabsan sa kinabuhi human mahagbong sa septic tank sa Sinaliw Malaki Elementary School, Alfonso Cavite niadtong May 20, 2024.
Sa post sa kabanay sa biktimang si Alyas Candy nga si Cathy Flores, disgrasya gyud ang nahitabo ug wala silay mabuhat kung dili dawaton nalang ang gidangatan sa bata bisan sa kasakit nga gibati sa ilang pamilya.
Subay sa report, naniudto ang biktima kauban ang tulo ka classmate sa concrete bench nga nahimutang sa ibabaw sa septic tank. Apan, kalit matud pa nahugno ang semento ug nahulog ang mga estudyante sa yuta nga gibanabanaang 7 ft. ang gilawmon.
Sa karon, anaa na sa balay tambalanan ang tulo ka naangol kinsa natabang pa sa otoridad.
RadyoMaN Ivy Parido
Facebook Comments
