Gibanggaan kagahapong adlawa sa usa ka itom nga Navara ang puti nga tricab nga adunay sakay nga pasahero, ug nadaro pa niini pag-apil ang mga nakaparking nga motorsiklo ug motorized sikad, gawas sa Del Monte sa Barangay Bugo ning syudad.
Gawas niini, naangin pa ang nagbaklay nga lalaki nga si Roldolfo Bautista, 57 anyos, minyo, kinsa gidala sa Northern Mindanao Medical Center kon N-M-M-C.
Basi sa pahayag ni Crispi Toto- ang Vigilante sa RMN-DXCC, nga unang nabanggaan sa Navara nga gimaneho sa usa ka Chester Cosin, ang tricab nga padulong sa este nga bahin, ayha kini mibangga sa mga motorsiklo nga nagparking sa area.
Dugang pa ni Toto nga murag hubog ang drayber sa pick- up, tungod kay mi-ikis-ikis pa ang dagan niini.
Samtang
Iandam sa Puerto Police Station ugmang adlawa ang tukmang kaso batok sa driver sa Navara nga si Hussain Chister, 31 anyos nga taga-Tagoloan, Misamis Oriental, kon ugaling mosumbong ang mga biktima.Kini ang gipahibalo ni Police Chief Insp. Evan Vinias, ang hepe sa Puerto Police Station.
Hinuon, sa iyang nasayran nga nakigsulti na ang kampo sa tag-iya sa sakyanan ngadto sa mga samarang biktima kinsa gidala sa nagkalain laing hospital ning dakbayan ug sa Misamis Oriental, pinaagi sa ilang representante.
Nasayran nga sa Tagoloan Police Station misurender ang driver sa Navara apan gikuha kini sa Puerto Police Station human sila gipahibalo nga anaa sa ilang buhatan ang suspek sa bangga.
