BACOLOD CITY – Ginkalipay ni former Mayor kag Congressman Monico Puentevella ang desisyon sang Ombudsman nga pagbasura sang iya kaso nahanungod sa isyu sang Basoc Fund.
Sa isa ka presscon kahapon nga adlaw, ginpahayag ni Puentevella nga kadalag-an ini sa iya bahin bangod wala nagakatulog ang Makaako para ipaguwa ang kamatuuran sa hitabo.
Mga napulo man ka tuig ang ila naagyan nga pagyaguta gikan sa ila mga kasumpong sa pulitika para gid lamang pakalainon ang ila pangalan kag pamilya sa publiko.
“God is good”, pahayag ni Puentevella santang nagapasalamat naman sa mga tawo nga nagpati sa ila nga wala sang anomaliya nga natabo sa pondo sang 2005 Bacolod SEA Games Organizing Committee (BaSOC).
Ang kaso ang gin-endorse sa Ombudsman sang 2009 apang ang Field Investigation Office sang 2014 lang ginterminate ang fact-finding-investigation.
Mismo ang Ombudsman ang nakakita nga ang kinamatarong ni Puentevella sa ginasiling speedy trial ang nalapas.
Ang Bacolod sa pagpanikasog ni Puentevella sang 2005 ang nangin venue sang Seagames kaangay sang boxing, football, weightlifting, women’s volleyball kag beach volleyball.
Isa gid lamang ini ka pamatuod suno kay Puentevella nga kaso ang wala sang iban nga katuyuan kondi pakahuy-an sya kag kabahin gihapon sang mahigko nga pulita sa Bacolod.
Ang resolution ang pirmado ni Ombudsman Samuel Martires sang nagligad nga Pebrero 7, 2019.
