General Santos City— Gipaklaro ni Police Chief Superintendent Marcelo Morales, Regional Director sa Police Regional Office 12 nga tanang kaso sa pagpamusil-patay sa rehiyon ang ilaha gyud nga gihatagan ug pagtagad.
Sumala niya nga bisan pa man nga na apil sa narco-list si PO1 Glen Alicarte nga una ng gipusil patay milabayg adlaw, ilaha gihapon nga ginapaningkamutan nga masulbad ang maong krimen ug madakpan ang kinsa mang responsable.
Pamahayag ni General Morales nga dili niya makonsiderang alarming ang pagpusil-patay kang PO1 Alicarte gumikan makonsidera matud pa kining isolated nga kaso.
Dugang pamahayag ni General Morales nga sa karon iyaha ng gihatagan ug direktiba ang tanang kapulisan nga mas pakusgan pa ang police visibility. Kung asa nagdugang na matud pa siya ug mga personahe nga magpahigayon ug foot patrol hilabina sa mga lugar nga sagad mahitabuan sa krimen.
Iyaha na usab gipakatag ang Regional Mobile Force Battalion aron sa pagbantay sa siguridad hilabi na sa mga dagkong syudad sama sa gensan.
