Miabot na sa 20,455 ang cumulative case sa COVID 19 sa dakbayan sa Cagayan de Oro sugod niadtong bulan sa Marso 2020.
Gani 6 ang nadugang nga kaso sa COVID 19 sa dakbayan sulod sa duha ka adlaw rason nga niabot na sa 21 ang active case karon kung diin 11 ang admitted ug 10 ang ana-a sa Temporary Treatment Monitoring Facility kon TTMF.
Hinuon miabot na usab ngadto sa 19, 582 suma total ang naka recover kontra sa maong virus.
Apan sa pagkakaron, ana-a na tanan sa 852 ang namatay human nadugangan og 1.
Sa laing bahin, adunay paglihok sa mga Key Health Indicators sa Alert Level System sa dakbayan sa Cagayan de Oro.
Mao kini ang gipasabot ni CDO Mayor Oscar Moreno nga ang Average Daily Attack Rate o ADAR sa dakbayan anaa na .28 percent.
Ang two week growth rate ang anaa usab sa negative 10 percent ug ang total bed utilization anaa sa 8.7 percent.
Samtang ang Health Care Utilization Rate o HCUR sa dakbayan anaa sa 6.56 percent.
