Pagadian City – Padayon nga nisutoy ang ihap sa mga nagpositibo sa Covid-19 sa probinsya sa Zamboanga del Sur.
Base sa labing ulahing talaan sa Integrated Provincial Health Office kagahapong adlawa mitala og dugang 16 ka bag-ong kaso hinungdan nga mipatong na sa 224 ang kinatibuk-ang kaso sa probinsya.
Nag-una gihapon sa listahan ang dakbyan sa Pagadian nga mitala og 119 ka aktibong kaso gisundan sa lungsod sa Labangan nga dunay 15 ka kaso, Dumingag 14, Molave 13 ug ug ang Aurora nakatala og 12 ka pasyente ang ilang gimonitor.
Gumikan niini subling nagpahimangno ang Provincial Task Force sa tanang local government units (LGUs) sa strektong ipatuman minimum health standards sa ilang dapit ug ikampanya kanunay ang pamintinar sa physical hygiene ug ang paglikay sa tapok-tapuk.
