Mikabat na sa 20 ka mga tawo sa Region 10 ang nag-positibo sa corona virus disease o Covid-19 sukad niadtong Enero hangtud ning bulan sa Mayo.
Kini human nadugangan sa lain pang duha ka covid 19 positive patient gikan sa Lanao del Norte ug Cagayan de Oro.
Matud ni Dr. Joselito Retuya, Epidemiologist sa City Health Office nga ang usa sa duha ka Covid positive patient nga nadugang sa listahan sa Department of Health, ang 19 anyos nga babaye ug apo ni covid patient 6783 nga usa ka 61 anyos nga lalaking namatay kinsa unang nag-positibo sa Covid-19 nga taga Sityo Pinikitan, Barangay Camaman-an ning syudad.
Gibutyag ni Dr. Retuya nga tungod niini mikabat na sa tulo ka miyembro sa pamilya ni patient 6783 ang nag-positibo sa Covid-19 nga naglakip sa iyang misis, anak ug apo.
Apan matud ni Retuya nga ang tulo ka pasyenteng miyembro sa pamilya ni patient 6783, pulos asymptomatic samtang naka-kurintinas sa lain laing Isolation Units ning syudad.
-o0o-
