General Santos City— Mi-abot na sa 118 ang ihap sa kaso sa Covid-19 sa probinsya sa Sarangani. Sumala ni Dr. Arvin Alejandro, Provincial Health Officer sa Sarangani nga sa maong datus, ang 40 niini ang mga aktibong kaso, ug kini adunay koneksyon sa mga naunang na-identify nga kaso sa covid diin ang tinubdan sa maong virus ang gikan sa Gensan Fishport.
Sumala pa ni Alejandro nga kadtong mga tawo nga dunay unang direktang kontak sa mga naigo sa Corona Virus ang gipailawum na karon sa quarantine ug nahuman na usab ang ilang testing hinungdan nga miabot sa ingon niini kadaghan ang kaso sa covid sa probinsiya.
Dugang ni Dr. Alejandro, nga ang pinakadaghan nga natala sa kaso sa covid 19 sa Sarangani mao ang munisipyo sa Maasim gumikan daghan ang nagpositibo sa maong virus asa nakuha usab kini sa fishport. Gitawag kini ni Dr. Alejendro ug cluster transmission inay community o local transmission gumikan kay mahibaw-an kung asa gikan ang virus.(RV)
