General Santos City–Nagpabiling manageable ang kaso sa Covid 19 sa dakbayan luyo pa man sa padayong pagtaas sa mga kumpirmadong kaso ingon man ang mga naitalang namatay tungod sa covid 19.
Sumala kang Gensan City Mayor Ronnel Rivera nga gumikan sa kakugi sa mga frontliners ug sa mga tawong nagatutok sa pakigbatok sa covid19, nahimong dali ang pagrespondi sa dakbayan sa maong pandemya. Apan giklaro ni Mayor Rivera nga padayon gihapon ang mga paningkamot ug mga aksyon sa lokal nga panggamhanan aron nga dili na madugangan pa ang kaso sa covid sa Gensan.
Dugang pamahayag sa Mayor nga gawas sa laboratoryo sa Dr. Jorge P. Royeca hospital, aron sa pagpahigayon ug test sa covid 19, padayon gihapon ang pagpadala sa uban pang pasilidad alang sa mas paspas nga testing. Apan gibutyag niini nga kung dili na kaya Dr. Jorge Royeca ang gidaghanon sa mga specimen ilaha kining ginapadala sa SPMC matag semana. Sa karon matud pa, ilaha ng ginapakusgan ang pagpahigayon ug testing, contact tracing ingon man ang mga isolation facility.(LVR)
