Dugang 31 ka bag-ong nagpositibo sa COVID19 sa Caraga Region natala kuman na adlaw sanan miabot na sa 87 an total sa kumpirmadong positibo sa tibuok rehiyon nan Caraga. Sa gipagawas nan DOH Caraga Region na listahan ,an mga nagpositibo gikan dinhi sa syudad nan Surigao sanan Surigao del Norte lakip an nagkalain-laing lugar sa rehiyon.Hinuon ini tanan mga nagpositibo jaun na sa mga facility quarantine sanan kasagaran mga asymptomatic o wayay sintomas. Sa bag ong 31 ka confirmed positive cases, 3 an gikan sa Butuan City,1 sa Cabadbaran City,1 sa Buenavista,Agusan del Norte,4 sa Surigao City,3 sa Alegria,SDN, 2 sa Placer,SDN, 8 sa Claver,SDN, 2 sa Malimono,SDN., 2 sa Socorro,SDN., 2 sa Cantilan,SDS, 1 sa Tandag City, sanan 2 sa Bislig City. Sumaya pa ni DOH Regional Director Jose Llacuna Jr. na 22 kabuok sa mga nagpositibo mga Locally Stranded Individuals,1 an Returning Overseas Filipino sanan an 8 gikan sa mining area nan Claver SDN. Jaun sab sa 21 anyos ngadto 30 anyos an mga pangidaron sa mga nagpositibo sa COVID19.
