General Santos City—maka-alarma na ang kaso sa hikog sa Gensan, kini ang nahimong pagbutyag ni Dr. Washington Loreno ang labaw sa City Health Office.
Sumala pa ni Dr. Loreno nga basi sa record sa medico legal sa Gensan City Health Office nga nagkataas na ang ihap sa mga naghikog tungod kay dili na makaya ang problema nga gina-atubang.
Samtang depresyon usab ang nag-unang hinungdan sa mga tao nga nagakutlo sa ilahang kinabuhi.
Sumala pa ni Dr. Marius Oco usa ka physiatrist nga usa matud pa ka sakit sa huna-huna ang depresyon nga gikinahanglan matambalan tungod kay ug mapasagdan matud posibleng musangpot sa pagkutlo ug kinabuhi.
Ang mga tao matud pa nga misuway na ug kutlo sa iyahang kinabuhi nga wala milampos ang may dakong posibilidad nga usabon ang iyahang gihimo.tungod niini, tambag ni Oco sa katawhan nga adunay miyembro sa pamilya nga daan nang misuway ug pakamatay nga dad-on o ipahiling sa mga eksperto aron nga matambalan ug mapugngan ang posibling subling pagsuway sa paghikog. (Dave Silagan)
