South Cotabato— lima ang angol sa pagbangga sa tricycle sa nakaparadang toyota hilux daplin sa kalsada sa Judge Alba street, Barangay Zone 3, Koronadal City.
Giila ang driver sa tricycle nga si Pelumino Laguna, 28 anyos, residente sa Purok Bayanihan, Barangay Sta.Cruz, Koronadal City. Samdan sab silang Roel Villa, 24 anyos ug 3 mga menor de edad nga pulos residente sa Barangay Sta.Cruz Koronadal City.
Base sa inisyal nga imbistigasyon sa Traffic Management Unit sa Koronadal PNP nga nagdagan ang tricycle sa dalan nga sakop sa Alunan Avenue padulong sa Direksyon sa Arellano Street pag-abot sa lugar, didto na nabangga ang tricycle sa nakaparada nga toyota hilux nga gimanihuan ni Rodolfo Ortiz, 62 anyos, residente sa Triniville Subdivision, Koronadal City.
Tungod sa kusog nga impact, nakaangkon ug samad ang mga biktima kansa daling gidala sa South Cotabato Provincial Hospital. Hinuon luwas na sa kuyaw nga kahimtang ang lima ka mga biktimang naangol. Gikaingong lango sa ilimnong makahunog ang driver sa tricycle dihang nahitabo ang insidenti.
