General Santos City—Misaka na sa kapin 500 ang mga kaso sa makamatay nga HIV AIDS sa General Santos City karong mga panahuna og anaa sa 260 ang kasamtangan gipailawom sa medikasyon sa ilahang buhatan og anaa na sa 76 ang kompermadong namatay kung asa 8 niini sa 76 ang babaye.
Pinakauwahing namatay sa HIV ang usa ka 24 anyos nga lalaki nga taga Gensan kaniadto lamang bulan sa Agosto kung asa pila na lamang ka adlaw una namatay ayha pa na detik nga positibo sa HIV ang biktima. Kini ang gikumperma ni Dra. Mely Lastimosa, ang labaw sa City Hygiene Clinic sa Gensan.
Matud pa niini nga subay sa datus sa City Health ang pinaka bata nga nagpositibo sa HIV AIDS ang nag edad og 17 anyos samtang ang pinakatiguwang nga nagpositibo sa HIV ang anaa sa 81 anyos.
Dugang pa niini nga sa kasamtangan libre ang mga tambal nga ginahatag sa ilahang buhatan sa mga tawong nagpositibo sa HIV og mamahimo lamang nga mobisita sa ilahang buhatan tungod magpabiling kompidensiyal ang unsa mang mga makuhang impormasyon sa tawong magpositibo sa HIV AIDS. (Emir Bariquit)
