General Santos City— Nagpahigayon ug lihok protesta ang progresibong grupo dungan sa kasumaran sa deklarasyon sa martial law Mindanao gumikan sa nahitabong gyera sa syudad sa Marawi milabay’ng tuig.
Sumala kang Sadrach Sabella, tigpamaba sa Karapatan Soksargen nga sukad sa deklarasyon sa martial law sa mindanao paspas ang pagsaka sa kaso sa paglapas sa tawhanong katungod.
Pamahayag niini nga gawas sa mga na-displace nga mga residente sa marawi, aduna matud pay onse ang naitalang patay gumikan sa political killings lakip na niini si Datu Victor Danyan sa may Brgy. Ned, Lake Sebu.
Dugang pamahayag ni Sabella nga hangtud sa karon, nagapadayon ang mga pagpangabuso ug paglapas sa tawhanong katungod hilabi na sa probinsya sa Sultan Kudarat ug Sarangani.
Kung asa gipangunahan matud pa kini sa mga marines ug militar partikualar na sa 33rd IB ilalom kang Lt. Col. Harold Cabunoc nga nagalihukan sa Sultan Kudarat. Sumala niya nga ang pagdeklara sa martial law ug ang oplan kapayapaan ni Presidente Rodrigo Duterte ang nagahatag ug labing kalisod alang sa katawhan
