Gipasaka na kagahapon sa Hapon sa Lanao del Norte Provincial Prosecutors office, ang kasong illegal possession of fire arms and Explosive, batok sa lima ka mga tawo, nga gitoho-ang konsabo sa mga terrorista dinhi sa Mindanao.
Matud ni SPO4 Noel Oclarit, nga Imbistigador sa Criminal Investigation and Detection Group, kon CIDG region 10, nga pina-agi sa Inquest proceedings, ilang gipasaka kagahapon sa hapon, ang kaso batok sa lima ka mga suspect, tungod sa ilang violation sa Republic act, 10591 ang illegal possession of fire arms, ug R,A. 9516 ang illegal possession ug explosive
Lakip sa gipasaka-an sa kaso, si Juromee Dongon, 45 years old, kinsa mi-angon, nga asawa siya, ni Abu Sayyaf leader Zainab Janjalani, ug Jimayah Islamiya leader in South East Asia, Zulkifli Bin Hir, alias Marwan.
Gawas ni Juromee Dongon, gipasaka-an usab sa maong mga kaso, si SPO4 Andy Atta, ug ang iyang asawa nga si Lorilie Atta, Nore-in Santos Dongon ug Romeo, dongon, 70 years old.
Ang maong mga suspect, gidakop sa Joint Operation sa PNP ug militar sa Tunod ug Baroy Lanao del Norte, niadtong buntag sa adlaw Domingo, pinasikad sa search warrant, nga gi-issue ni Judge Dennis Vicoy, sa Regional Trial court Branch 7 sa Lanao del Norte
Atol sa maong police operation, nakuha sa mga otoridad ang mga Pusil, bala, ug mga Explosive gikan sa balay maong mga suspect, sa Tubod ug Baroy, Lanao del Norte.
Ang maong mga suspect gidala nag balik sa CIDG kagahapon didto sa Lanao del Norte, kay ilang gipa-abong sa Lanao del Norte Provincial Prosecutors, alang sa ilang Inquest proceedings.
