General Santos City–Gihikay na sa kapulisan ang kasong kalapasan sa Sec.5 Art. II sa Ra 9165 batok sa suspetsadong si Sweeden Cabalasan Guivencan kansa nadakpan sa buy-bust operation sa otoridad alas 10:40 sa gabie sa Bulaong Avenue, Brgy North, dakbayan sa Gensan.
Kahibaluan nga una ng nadakpan ang suspek sa mga sakop sa Station Drug Enforcement Team sa Police Station 1 human nga mikagat sa transaksyon sa poseur buyer nga pulis sa nasangpit nga lugar kung asa napalitan kini ug usa ka sachet sa gituohang shabu gamit ang 500 pesos nga buy-bust money.
Padayon nga nanawagan ang kapulisan sa mga tawong nalambigit pa sa illegal drugs nga ilaha ng undangon ang illegal nga gimbuhaton gumikan dili muondang ang kapulisan sa kampanya batok droga ug aron usab dili mabutang sa peligro ang ilang kinabuhi.
Sa karun pabiling balhog sa selda sa Pendatun PNP ang suspetsado.
