Mikabat na sa 14 ka kaso sa Corona virus, ang nagpositibo sa tibo-ok Region 10.
Mao kini ang update reports ni Dr. Ian Gonzales, nga Infection Disease cluster head sa department of health kon DOH dinhi sa Northern Mindanao. Matud ni Dr. Gonzales nga kini nga record sa DOH, sukad pa niadtong January 31, hangtud sa pagsulat ning balita.
Kini ang hinongdan kon ngano nga si Dr. Gonzales, nanawagan sa general public nga dili dapat magkompiyansa, kay wala pa matapos ang epidemics sa covid 19.
Nasubo si Dr. Gonzales, nga nagka daghan na ang mga tawo nga naglakaw lakaw sa kadalanan, tali-wala niining kampanya sa gobyerno nga stay at home.
Gipasabot sa nasangpit nga doctor, nga samtang na-a pa ang hulga sa corona virus, nagpadayon ang mga preventive measure sa DOH, nga naglakip sa kanunay nga nagpgamit sa face mask, manggugas sa kamot ug mogamit sa alcohol silbing disinfectant.
