General Santos City–Dako karon ang pagtuo ni I-Defend chairman Ben Sumug-uy nga wala ginatutukan sa kapulisan ang pagsolbad sa mga kasong pagpatay sa dakbayan sa Gensan.
Gani sumala ni Sumug-uy nga hangtud karon sayon ra nga makahimo sa pagpatay ang mga kriminal ug dili kini kayang dakpon sa kapulisan.
Nagtoo si Sumug-oy nga kabahin sa programa sa kapulisan ang mga hitabong pagpamusil sa syudad hinungdan nga ila lang ginapasagdan ang imbestigasyon niini.
Gibasol usab ni I-defend chairman Ben Sumug-uy ang pagpasagad sa katawhan sa mga hitabong pagpamatay sa Gensan hinungdan nga daw sa nahimo na kining normal nga panghitabo.
Sumala niini nga sa iyang nakit-an daw sa wala na nagapakabana ang katawhan og daw sa ginadawat nalang ang maong sitwasyon.
Kahinumduman nga ulahing gipamusil sa syudad ang usa ka supervisor sa hardware pioneer avenue, usa ka drayber sa Bonggo sa Sinawal og ang 32 anyos nga gisulod sa iyang panimalay sa Lanton Apopong.(Jordan Britos)
