General Santos City—Gipaklaro ni South cotabato Provincial Director Police Colonel Joel Limson nga personal grudge ang sagad sa mga motibo sa nahitabong shooting incident sa area sa South Cotabato kung asa nailhan usab ang mga suspek ug napasakaan na ug tukmang kaso.
Sumala pa ni Limson nga sagad sa hinungdan sa pagpamusil ilabi na sa mga remote areas sa probinsya sama sa Norallah,Surallah ug uban pa dunay kalambigitan matud pa sa away sa yuta ug wala usab silay nakita nga dunay kalambigitan sa droga gumikan kay nagpadayon ang ilahang hugot nga kampanya batok sa illegal nga droga.
Saysay man usab sa opisyal nga mga kaila ra usab sa mga biktima ang mga suspek nga dunay kasuko ngadto kanila ug anaa ng daan sa lugar hinungdan nga sayon lang alang kanila nga magdala-dala ug armas bisan pa man nga gipailawom pa sa gunban ug martial law ang Mindanao. (Reynald Timario)
