General Santos City–Ginatutukan na sa Local Inter-Agency Task Force-Gensan ang kaso sa usa ka staff sa Regional Trial Court Branch 36 nga sumala pa adunay exposure sa usa ka covid-19 positive sa Cotabato City.
Sumala kang Gensan City Mayor Ronnel Rivera nga subay sa inisyal nga contact tracing, dili direkta nga na-expose ang nahisgutang staff sa pasyente apan kinahanglan gihapon nga maniguro.
Dili matud pa nila gusto nga malutsan rason nga padayon ang ilahang contact tracing kung asa nauna na usab nga nagpahigayon ug aksyon ang RTC bahin niini.
Sa karon, ilaha gyud nga ginatutukan ang mga lugar nga adunay taas nga kaso ingon man may mga local transmission.
Lakip sa ilang ginabantayan mao ang Zamboanga, Davao, Metro Manila ingon man ang syudad sa Cotabato kung asa maoy pinakadaghang kaso sa covid-19 sa tibuok SOCCSKSARGEN Region.
Pagpaklaro sa Mayor aduna gyu’y mga ipatuman nga mga protocol sa tanang magsulod sa dakbayan hilabina sa mga high risk area. Saysay niya nga dili lang ang sulod sa Gensan ang ilahang ginabantayan, kundili lakip na ang sa gawas kung asa naga-gikan ang halos kaso sa covid-19.(LVR)
