Koronadal City—Gipaniguro sa Koronadal PNP nga walay mahitabong whitewash sa ilang imbestigasyon sa sundalong si Major Benjie Basa Sangatanan, hingkod ang panuigon nga taga Silang Cavite ug aktibong miyembro sa Phil. Army nga nadestino sa Rehiyon 11.
Una nang naHIlambigit sa pagpamusil sulod sa usa ka bar sa Arellano Street,Barangay Zone 2,Koronadal City ang nasangpit nga sundalo nga gikaangol sa duha ka mga biktima nga silang Sherwin Sangatanan, igsuon sa suspek ug helper sa bar nga si Raffy Demedia.
Sumala pa ni Police Lieutenant Reynaldo Sotelo investigation,intelligence officer sa Koronadal City Police Station karong adlawa ipasang-at nila sa korte ang kasong frustrated homicide batok sa sundalo.
Dugang pagbutyag ni Police Major Sotelo nga dunay nakalaban nga usa ka grupo sa mga kalalakin-an ang sundalo sulod sa bar nga iyang kasuko.
Mipabuto matud pa kini sa iyang armas ug walay suwerte nga naigo niini ang iyang igsoon nga si Sherwin sa liog nga bahin.
Samtang naigo usab sa tiyan ang helper sa maong bar nga si demedia.Swerte usab nga wala naigo sa pagpamusil sa sundalo ang kalabanniini. Paspas usab nga gipangdala sa ospiral ang duha ka mga samdan sa maong insidente ug pabilin pa karon nga gipailawom sa medikasyon.
Dugang saysay sa opisyal nga milakaw ang sundalong suspek apan malampuson nila kining nasikop sa hot pursuit operation sulod sa ospital nga gidad-an sa iyang igsoong nasamdan.
Ang suspek sa kasamtangan anaa na nabalhog sa silda sa Koronadal PNP. Sa karun anaa na sa luwas nga kahimtang ang mga biktima nga nagpabiling nagpa-alim sa ospital samtang ang igsoon sa sundalo ang gipailawom na sa operasyon.
