Tungod sa naka-alarmang pagtaas sa dengue cases sa pipila ka rehiyon hingpit nang nagdeklara ang Department of Health (DOH) sa National Dengue Epidemic sa nasud.
Mismong si Health Secretary Francisco Duque III ang naghimo sa deklarasyon.
Matud kang Duque, nagdesisyon silang magdeklara sa National Dengue Epidemic human nga makatala sa kinatibuk-ang 146,062 dengue cases sa nasud, gikan sa Enero hangtod Hulyo 20 lang.
Samtang sa interview sa RMN Malaybalay ngadto kang Dr. Dave Mendoza, ang assistant regional director ug spokesperson sa Department of Health kon DOH Northern Mindanao gibutyag niini nga gideklara kini sa DOH national tungod kay wala napugngan ang sobrang pagtaas sa kaso sa dengue sa Pilipinas.
Matud ni Dr. Mendoza nga sa Northern Mindanao muabot na sa kapin sa 15,000 ang kaso sa dengue.
Kaniadto pa man daw siya nagpahimangno nga posibleng karong tuiga adunay pagtaas sa kaso sa dengue tungod sa ilang pagtoon kada duha hangtod 3 ka tuig adunay pagtaas sa trend sa mao nga sakit.
Samtang sa lima ka probinsya sa region 10, ang Bukidnon pa gihapon ang adunay pinakadaghang kaso sa dengue.
