*General Santos City— Mitaas ug 6% ang kaso sa tipdas sa tibuok rehiyon sa karon nga tuig kung asa adunay nay 244 mga kaso ug usa niini ang patay gikan sa lungsod sa Polomolok.*
*Sumala kang Dr. Edvir Jane Montañer, Chief sa Family Health Cluster sa DOH 12 nga gikan Enero 1 ngadto na Pebrero 19 ning kasamtangang tuig anaa sa 244 ang kaso sa tipdas kung itandi sa 239 sa milabay’ng tuig.*
*Pamahayag niya nga 50 sa maong ihap mga kabataan gikan usa ka bulan hangtud 5 anyos ug sagad sa mga biktima sa tipdas ang wala naka-agi ug bakuna batok tipdas.*
*Samtang gibutyag ni Dr. Fatima Edman, Regional Director sa DOH 12 nga sa rehiyon 12, dili pa makonsiderang outbreak ang kaso sa tipdas.*
*Pag-angkon niya nga adunay mga lugar sa rehiyon 12 ang adunay mubo nga ihap s amga nagpabakuha gumikan sa kahadlok tungod sa kontrobersiya sa dengvaxia.*
*Busa padayon ang ilahang panawagan ngadto sa mga ginikanan nga pabakunhan ang ilahang mga anak gumikan libre man kini sa mga Rural Health Centers.*
