Mas gin-intensify sang Department of Agriculture 12 ang kampanya kontra African Swine African Fever agud nga mapunggan ang paglapta sang nasambit nga balatian sa baboy sa rehiyon.
Suno kay Department of Agriculture 12 Regional Executive Director Arlan Mangelen kinahanglan nga maprotektahan ang mga lugar sa rehiyon nga indi masudlan sang ASF partikular na ang probinsya sang South Cotabato kag Sultan Kudarat nga indi magbag-o nga green ang rehiyon agud nga indi maapektuhan ang shipment matapos nga ang region 12 ang nagasupply sang baboy sa Luzon kag iban pa nga lugar sa pungsod.
Sa subong suno pa ginatinguhaan nila nga indi na maglapta ang ASF sa iban nga banwa sa North Cotabato kag Saranggani province.
May-angot sini, may ginplastar sila nga comprehensive plan batok ASF nga nalakip ang pagpakigdayalogo sa mga hog raisers kag mga local chief executives.
Ginahangkat niya man ang mga local government units sa rehiyon nga magpasar sang ordinansa nga istriktuhan ang pagpasulod sang mga buhi nga baboy kag processed pork sa tagsa ka mga lugar partikular na kon halin sa mga infected sang ASF.
Mas ginapabakod man suno pa sa subong ang animal quarantine checkpoints sa mga border sang Soccksargen.
Nagpanawagan man si Mangelen sa publiko nga indi iprayoridad ang mga pork products nga ginabaligya sa online tungod posible ang mga ini ang halin sa mga lugar nga apektado sang ASF.
Sa subong suno pa manageable naman ang kaso sang ASF sa rehiyon matapos nga wala naman nadugangan ang kaso sa Saranggani Province.
