Nagalab-ot na sa 4,545 ang kaso sang balatian nga dengue dire sa probinsya sang South Cotabato base sa datos sang Provincial Epidemiology and Surveillance Unit sang Provincial Health Office halin Enero 1 tubtob Agusto 6 subong nga tuig.
Ang kaso ang mataas sang 177 percent kumparar sang nagligad nga tuig sa kapareho nga period.
Nagapabilin naman sa 22 ang narekord nga patay sa nasambit nga balatian nga duha ang narekord sa banwa sang Banga, Koronadal City – 3, Polomolok -3, Sto. Niño – 2, Surallah- 4, Tampakan -2, T`boli -2, Norala – 2 Tantangan – 1 kag Tupi -1.
Sa datos 14 sa nabawian sang kabuhi ang 21 tubtob 70 –anyos, 4 nagaedad sang 10- tubtob 19-anyos kag ang 4 ang nagaedad sang 10-anyos panubo
Napulo naman sa napatay ang nagpakonsulta masobra tatlo na ka adlaw ang lagnat kag 12 naman ang nagpakonsulta sa sulod sang tatlo ka adlaw.
Yara naman sa 120 ka mga barangay ang may clustering of cases ukon may-yara sang 3 or more cases in 3 consecutive weeks.
Nagapabilin naman ang syudad sang Koronadal nga may mataas nga kaso sang dengue nga nagalab-ot sa 927, Tantangan -575, Surallah – 585, Banga -488, Tupi -444, Norala 368, Polomolok – 342, Tampakan -274, T`boli -221, Sto. Niño -200 kag Lake Sebu -121.
Samtang pipila ka mga banwa ang may pagnubo naman sa panibag-o nga kaso sang dengue.
May-angot sini, nagaggwa nga nagapanguna ang South Cotabato sa may mataas nga kaso sang dengue sa bug-os nga rehiyon dose kag nagapabilin nga yara sa dengue outbreak.
Apang suno kay Dr. Rogelio Aturdido Jr., Provincial Health Officer sang South Cotabato nga nangin aktibo lang ang surveillance system sang probinsya.
Sa subong suno pa padayon ang ila pagpang-awhag sa katawhan nga ipatuman gid ang 4`oclock habit.
