Nakahanda na ang Comelec South Cotabato sa patigayunon nga eleksyon sang house of representative sa first district kag lone district sang General Santos City sa Oktubre 26 subong nga tuig matapos nga ginpaiway ang eleksyon tungod sa ginhimo nga pagtunga sa tatlo ka distrito sa South Cotabato.
May-angot sini, suno kay Provincial Election Supervisor Atty. Jay Gerada natalana ang filing sang certificate of candidacy sang mga luyag magpapili bilang kongresista sang first district kag lone district sa Agusto 26 tubtob 28.
Magafile naman sang COC ang first district nga ginasakupan sang Tampakan, Tupi kag Polomolok sa Provincial Comelec Office kag ang sa lone district sa Comelec Gensan naman.
Ginkumpirmar man ni Atty. Gerada nga ang gamiton nga book of voters sa nasambit nga pagpiniliay ang sang Mayo kag ang nagparehistro subong nga voters registration ang indi makapartisipar.
Mangin automated sa gihapon ang patigayunon nga pagpiniliay sa house of representatives suno sa iya.
