Nagalab-ot na sa 35 ang kaso sang nagpositibo sa coronavirus disease ukon COVID- 19 sa South Cotabato base sa datos sang Integrated Provincial Health Office kahapon nga adlaw.
Sa nasambit nga numero 18 ang nagapabilin sa isolation facilities nga sa Koronadal City may 5, Banga kag T`boli may tig-4, Tampakan -2 kag tig-isa naman sa banwa sang Norala, Polomolok kag Surallah.
Yara naman sa 17 ang nakarekober na sa COVID-19 sa probinsya nga halin sa Koronadal City kag Banga nga may tig-apat, sa Tupi-3, Tantangan-2 kag tig-isa naman sa banwa sang Polomolok, Sto. Niño,Tampakan kag T`boli.
Sa subong padayon nga ginaremind sang pamunuan sang IPHO ang mga pumuluyo nga ipatuman gid ang physical distancing, pagsuksok sang face mask, hand washing kag iban pa.
