Nadugangan pa ang kaso sang nabiktima sang palupok sa South Cotabato tungod base sa datos sang Integrated Provincial Health Office kahapon nga adlaw Enero 2 naglab-ot na sa dise nuebe.
Apang suno kay Provincial Health Officer Dr. Rogelio Aturdido Jr., ang nasambit nga numero ang manubo pa sang 26% kumparar sang nagligad nga tuig sa kapareho nga period.
Samtang ginaawhag niya ang iban pa nga nabiktima sang palupok magamay man ukon daku ang pilas nga magkadto gid sa mga health facilities agud madapatan sang nagakaigo nga medikasyon tungod ang balantayan naman sa subong amo ang tetanus.
Sa subong indi pa makahambal si Dr. Aturdido kon nakabulig ang mga ginhimo kontra palupok sa selebrasyon sang paskwa kag bag-ong tuig tungod tubtob pa sa Enero 5 ang ila nga monitoring kag reporting sa firecracker –related injuries sa probinsya.
