Padayon ang imbestigasyon sang Department of Health, Provincial Health Office kag Municipal Health Office sa banwa sang Calinog agud matul-id kon sa diin naghalin ang Hepatitis A nga naga-apekto sa mga estudyante.
Ini bangud naglab-ot na 77 ang ginasuspetsahan nga may Hepatitis A sa banwa sang Calinog matapos nakitaan sang mga sintomas.
Ginpahayag ni Provincial Health Officer 2 Dr. Patricia Grace Trabado nga as of August 10, sa 77 ka ginasuspetsahan nga may Hepa A, 46 diri ang nagpositibo kag lunsay estudyante sang Don Esteban Javellana Memorial National High School sa Brgy. Guiso, Calinog.
Nagpanugyan naman ang Provincial Health Office sa mga estudyante nga may mga sintomas kaangay sang pagsuka, gasakit ang tiyan, may hilanat kag naga yellowish nga indi lang anay mag-eskwela agud malikawan nga maglapta ang balatian.
Nahibaluan nga ginpasirado na ang canteen sang nasambit nga eskwelahan matapos nag positive sa hepa test ang food handler ukon manugluto .
(photo from web)
