Kaso sang pagpang-abuso sa mga kabataan sa South Cotabato nagnubo, kaso sang rape nagnubo man.

Nagnubo ang kaso sang pagpang-abuso sa mga kabataan dire sa probinsya sang South Cotabato subong nga tuig kumparar sang nagligad nga tuig sa kapareho nga period.
Suno kay Police Lt. Jojie Alog sang Womens and Childrens Protection Desk sang South Cotabato Police Provincial Office base sa ila datos nagalab-ot sa 137 ang kaso sang pagpang-abuso kumparar sang nagligad nga tuig nga yara sa 216 halin Enero tubtob Oktubre subong nga tuig.
Lakip sa klase sang pagpang-abuso sa mga kabataan ang pagpanghimulos ukon rape, child prostitution, physical injuries kag iban pa.
Ginkumpirmar man ni Police Lt. Alog nga nagnubo man ang kaso sang rape nga ang nangin biktima ang mga kabataan.
Samtang kadam-an naman sa mga suspek ang napasakaan sang kaso kag nadakpan suno pa.
Ginpahayag man ni Alog nga kaupod sang Social Welfare and Development Office padayon ang ila nga information education campaign agud malikawan ang insidente sang pagpang-abuso sa mga kabataan kag ginasiguro nga madakpan kag mapasakaan sang kaso ang mga suspek.