General Santos City–gikatakda nang pasakaan ug kasong kalapasan sa Sec. 11 ug Sec. 5 ilawom sa Art. II sa R.A 9165 ang duha ka mga dinakpan sa Police Station 7 nga silang si Manuel Saligumba, 38, ug Paul Patrick Pagaling, 37, pulos residenti sa PI 16, Barangay City Heights, Gensan.
Una nang nasikop ang mga nasangpit sa area of responsibility sa Fatima Police Station pinaagi sa buybust operation human silang nangdayo sa pagpamaligya ug shabu.
Sumala ni Police Sr. Inspector Fernando Manuel Jr., Hepe sa Police Station 7 nga pinaagi sa impormasyon sa ilang mga Confidential Agent nasayran ang pagsulod sa mga nahisgutan ilawom sa ilang AOR.
Tungod niini gilayon silang naghimo ug operasyon nga miresulta sab sa pagkasikop sa mga nasangpit.
Facebook Comments
