Davao City – Gibalhog sa Tugbok PNP ang suspek nga si Lyka S. Gabriela, 18 anyos lumad nga taga Gen. Santos City nagpuyo sa balay sa iyang agalon sa Bambu State Barangay Sto Nino Tugbok Davao City human dunggaba ang iyang amo ug gisunog pa ang ilang gipuy-an alas siete y media sa kagabhion.
Sa blotter sa Tugbok Pnp, nasuko ang suspek human kasab-i sa iyang among babaye nga si Grace Obguia 35 anyos nga misangko sa pagpanunggab sa biktimang agalon.
Human masamad sa kutsilyo ang biktima daling misulod sa iyang kwarto ug nanirado samtang nangayo kinig pakitabang sa iyang mga silingan nga dali usab mirespondi ug daling gipagawas sa balay ang biktima lakip ang iyang mga anak nga minor de edad.
Gisindihan sa suspek ang mga sapot sa iyang amo dayong misulod kini sa comfort room ug nanira.
Daling mirespondi ang Bureau of Fire Protection ug kapulisan sa Tugbok nga miresulta sa pagkasikop sa suspek lakip na ang pagkarecover sa kutsilyo nga iyang gigamit sa pagluba sa iyang agalon.
Ang biktima padayon pang giatiman sa Adventist Hospital sa Bangkal Davao City.
Kasamang Erin Lumosbog
