Arestado ang ginaaligar miyembro sang New Peoples Army ukon NPA nga may patong-patong nga kaso alas 11:45 kaina sang aga sa Sitio Tabudtud, Barangay New Dumangas, T’boli, South Cotabato sa ginhugpong nga pwersa sang T’boli PNP sa pagpanguna ni PCI Ramil Villagracia.
Gindakop suno pa ang suspek nga ginkilala kay Rey Mallo Blasé sang Guerilla Front 73, Far South Mindanao Region (FSMR) sa bisa sang warrant of arrest sa kaso nga “ARSON” sa idalom sang Criminal Case number 7502-TB kag warrant of arrest sa kaso nga kidnapping and serious illegal detention sa idalom sang criminal case number 7200-SN sa sala ni Hon Lorenzo F Balo sang RTC Branch 26, Surallah, South Cotabato.
Ginaaligar responsabli suno pa ang suspek sa pagkuha kay PFC Khen Subere sang 27th IB, PA nga ginbuhian sa Maasim, Probinsya sang Sarangani sang nagligad nga tuig pinaagi kay anay Vice Mayor kag sa karon Presidente Rodrigo Duterte.
Sa subong nagapabilin na sa kustodiya sang T’boli MPS lock up cell ang suspek
