Davao City – Padayong mudawat og donasyon ang Task Force Davao (TFD) alang sa mga lugar sa probinsiya sa Davao del Sur ug sa North Cotabato nga natam-an og maayo sa sunod-sunod nga makusog nga linog gikan October 16 hangtod 31.
Sumala ni Public Safety and Security Commander Center Operation Assistant Chad Bangues nga sukad pa niadtong petsa 31 sa oktubre walay hunong gadawat og donasyon ang lokal nga kagamhanan gikan sa mga pribadong organisasyon ug mga indibidwal nga buot mutabang sa mga biktima sa linog.
Sigun ni Bangues, ang Task Force Davao Headquarters sa may Sta.Ana Wharf ang nagsilbing bagsakan ug repacking area sa relief goods nga gitunol sa mga tawong may malumong kasingkasing sa pagtabang sa mga biktima sa katalagman.
Gani, tulo na ka hugnaan sa relief goods delivery ang nahatud ug katapusan natunolan ang lungsod sa Makilala sa north cotabato human sa lungsod sa Tulunan ug ubang bahin sa mao nga probinsiya.
Matud ni Bangues, wala pa’y tino nga mga dapit ang posibling hatdan sa laing hugna nga relief goods de-livery sanglit nagpaabot pa sila og dugang diriktiba gikan sa buhatan ni Mayor Inday SaraH Duterte-Carpio.
Nasayran nga pirting hugnua ug gubaa sa mga gambalay, mga establisiminto, ug mga balay sa mga lokal nga kagamhanan kagamhanan, mga neogsyante, ug sa resident human sagunson miigo ang kusog nga linog sa miaging buwan.
Tungod niini, liboan sa mga tawo ang walay mapuy-an, walay makaon, walay mainom nga tubig human naguba sa linog ang ilang mga balay, panginabuhian, ug mga water facilities, ug daghan pang uban.
RadyoMaN Joel Viray
