Katawhan, giaghat pabakunahan ang ilang binuhing iro

23

Giaghat karon ang katawhan sa kabarangayan ning siyudad sa pagpabakuna sa ilang mga iro batok rabies.

 

Kini alayon sa pagsaulog sa Rabies Awareness Month dinhi sa syudad nga dunay temang: “Maki-isa sa Baranggayan Kontra Rabies, Maging Responsableng Pet Owner.”

 

Gipahibalo ni City Veterinarian Dr. Perla Asis nga nagpadayon ang ilang buhatan sa pagpamakuna sa iro sa nagkadaiyang barangay ug direkta sa kabalayan.

 

Samtang, giaghat ni Vice Mayor Kikang Uy ang mga empleyado sa City Hall nga pabakunahan ang ilang mga binuhing iro ug mahimong responsableng pet owner ilabina nga dunay balaod nga pahamtangan og multa ang dili mosunod.

 

Ang City Vet ug Department of Education nagpahigayon sa Poster Making Contest alayon sa kasaulogan nga giapilan sa mga estudyante sa elementarya sa nagkalain-laing tunghaan.

 

Karong semanaha, gikatakdang ipahigayon ang pagpamakuna sa mga iro sa Barangay Tablon.

Facebook Comments