Giaghat sa 4th Infantry Division, Phillipine Army ang tanang katawhan nga moduyog sa pagpangayo og hustisya sa nahitong pagpusil patay kang Datu Rostico Sandag Porogoy, tribal chieftain sa Santiago, Agusan del Norte.
Kini pinaagi ni 4th Infantry Division Commander, Major General Ronald Villanueva.
Giaghat usab ni Villanueva ang grupong Karapatan ug ubang organisasyon nga nanawagan sa pagtapos sa Lumad killings nga kondehanon ang nahitang pagpatay kang Datu Porogoy.
Nanghinaot ang division commander nga unta dili mahimong katapusan ang kamatayon sa Datu hinoon mahimong inspirasyon sa uban nga ipadayon ang pagkab-ot sa kalinaw ug kalambuan.
Gihingusgan usab sa mga otoridad ang ilang operasyon aron masikop ang mga mihimo sa kremin.
By: Kasamang Annaliza Amontos-Reyes
