*Nanawagan si 4th Infantry Division Philippine Army Spokesperson Capt. Joe Patrick Martinez sa katawhan nga angayang magkahiusa ug magtinabangay aron mabatokan ang mga plano sa mga rebeldeng New Peoples Army o N-P-A. *
* Gibutyag sa maong opisyal nga samtang anaa ang tropa sa militar ug ang pag-abag sa katawhan siguradong dili mapadayon sa mga rebelde ang ilang mga plano. *
* Mahinumdoman, nga niadtong miaging mga adlaw nabulabog ang upat ka hinterland barangay sa Opol, Misamis Oriental tungod sa presensya sa mga rebeldeng N-P-A kinsa mihimo sa pagpang-recruit og mga bag-ong miyembro.*
* Apan ang hinimoan sa mga rebelde ang gikondena matud pa sa mga residente sa maong mga barangay, kinsa gibati sa grabeng kahadlok.*
* Tungod niini, gihagit ni Capt. Martinez ang mga organizer sa mga raliyesta ning dakbayan nga mohimo usab pag-rally batok sa mga rebelde kay naghulat usab matud pa ang katawhan niini aron maabog ang maong mga walhong grupo.*
*-o0o-*
*By: Kasamang Ellah Baculio*
