Davao City – Wala gilimod ni Vice Mayor Bernard Al-Ag nga interesado kini mudagan pagka-bise mayor sa siyudad sa Dabaw sa 2019 midterm election.
Giangkon ni Vice Mayor Al-ag nga buot niini mudagan pagka-bise mayor sa dakbayan sa piniliay sunod tuig aron hingpit mahimong lehitimo nga ikaduhang amahan sa mga Dabawenyo.
Apan gumikan adunay tulo ka personalidad nagtinguha sa sama nga posisyon daw nabutang sa alanganin ning panahona ang kaugmaon sa bise mayor.
Matod niini sunod semana pa mahibaloan ang pinal nga paghukom sa Hugpong ng Pagbabago ug sa Hugpong sa Tawong Lungsod kung kinsa ang i-tandem kang Mayor Inday Sara Duterte-Carpio sa 2019 election.
Kung unsa man ang mahimong desisyon sa partido andam matud pa kini dawaton ni Vice Mayor Al-ag ug kung ugali dili siya ang mapilian hayan mupapili na lamang kini sa pagka-kongresista sa ikatulong distrito.
RadyoMaN Joel Viray
