GIPAHIBALO sa kadagkoan sa Roads and traffic administration kun RTA ang katawhan, nga adunay mahitabong kausaban sa dagan sa mga sakyanan sa RN Pelaez Bolivard sugod sunod semana.
Kini tungod sa pagtrabaho, pag-upgrade sa drainage sa Recto avenue ning syudad sa Cagayan de Oro.
Gibutyag ni RTA Assistant department head Engr. Nonito Oclarit, nga sugod sa abril 23 sunod semana adunay pagsira sa tunga nga bahin sa dalan sa RN Pelaez bolivard nga mahitabo sulod sa kinse ka adlaw.
Matud pa ni Oclarit nga magpatuman usab sila sa truck van sa Recto avenue sa mga sakyanan nga nitimbang nga subra 4,500 kilos.
Tungod niini mihangyo si Engr. Oclarit sa pagsabut sa katawhan sa ilang ipatuman nga kabag-ohan sa dagan sa mga sakyanan aron daling matapos proyento nga gipatuman sa DPWH.
