Dili masulti ni LBC Area Manager for North Mindanao Area nga si Jacinto Bernados kon nganong walay ilang gi-employ nga mga security guard sa LBC.
Kay matud ni Bernados nga ang ilang Top Management sa LBC sa Manila ang nag-desisyon nga walay ilang i-employ nga security personnel.
“Wala sa akong level ang pag-decide sa pag-employ sa security guard kay normal man na sa bisan unsa nga negosyo, kami mag-agad pud mi sa among pinakataas your honor” matud ni Bernados.
Sa iyang kabahin.
Giplano ni Councilor Romeo Calizo nga iyang ipasaka sa City Council ang iyang proposal aron i-amend ang CCTV Ordinance ning syudad sa Cagayan de Oro.
Ang plano ni Calizo human gibutyag ni Supt. Joram Jomalon, Hepe sa City Intelligence Branch sa kapolisan nga sigon sa ilang imbestigasyon nga walay CCTV Camera nga naka-install sa gawas sa mga LBC A. Velez Branch busa nakapuntos ang mga suspek.
Matud ni Jomalon nga ang CCTV Camera sa LBC nakatutok lang sa ilang mga empleyado sulod sa ilang opisina.
Gibutyag ni Jomalon nga sulod sa duha ka bulan mokabat na sa hapit tunga sa milyon ka pesos ang salapi nga natulis sa upat ka Branch sa LBC ning syudad.
Niadtong Setyembre 16, 2018, gitulis sa wala mailang suspek ang LBC Branch sa dalan Yacapin-Pabayo, gisundan sa September 23 sa LBC Max Suniel Street sa Carmen ug sigudan sa LBC Tagoloan Branch niadtong October 6 ug gisundan sa LBC Apolinar Velez Branch niadtong November 4.
