Suma pa sa report, ang 22-anyos nga suspek nasakpan sa mga kabomberohan pasado alas dose sa udto sa usa ka fire alarm nga gisumbong sa usa ka concerned citizen. Samtang ilang gisulod ang usa ka area sa UV Main Building tungod sa itom nga aso ila na hinuong nasakpan ang lalaki nga gatago sa kisame.
NITAGO SA KISAME
Suma pa sa report sa pamantalaang Cebu Daily News, miangkon ang maong lalaki nga siya ang hinungdan sa sunog o sa katong itom nga aso. Miangkon ni ngadto sa mga miyembro sa BFP nga miresponde nga ang pagpangawat og wire sa maong building ang iyang tumong.
Kay naa man kunoy mga wire nga lisud langkaton sa bongbong mao nga gituyo niya og sunog ang bahin niini aron nga iyang malangkat. Apan mao na hinuoy nakaingon nga ni-aso ug nasakpan siya nga nagtago sa kisame tungod sa pagpangawat.
Lesson # 1 nga dili maayong mangawat. Lesson # 2, dili na lang gyud mangawat. Ug lesson # 3, ayaw tago sa kisame kung naay fire alarm. Joke lang peru dala tinuod.
Kudos gihapon sa BFP alang sa abtik nga pagresponde ug mirese sa kawatan nga naa natanggong sa Parian Police Station.
