GISUMBONG sa tag-iya sa Nessly Grocery nga nahimutang sa Red Cross building, Capitol compound, Barangay 27 ning siyudad ang 53 anyos nga babaye kinsa nasapong nangawat sa iyang tindahan.
Gibutyag sa tag-iyang si Allan Café, 41 anyos, minyo nga taga Calaanan, Barangay Canitoan, nakita sa CCTV ang gihimong pagpangawat sa usa ka Gina Anay nga taga Verjaya, Camaman-an sa iyang gipanag-iyahang grocery.
Nakuha gikan sa posisyon ni Anay ang usa ka Ensure nga nagkantidad sa 1,892 pesos, usa ka Glucerna nga nagkantidad sa 1, 950 pesos, usa ka Mayonaise nga nagkantidad sa 190 pesos ug usa ka Bona nga nagkantidad sa 200 pesos.
Nasapon ang suspek gawas sa maong establishemento lakip na ang tulo niini ka mga kauban nga silang Daylit Anay, Jema Anay ug Dodong Mercado.
Sa karon, detinado na ang mga suspek sa Police Station 2 Cogon.
