Tapaz, Capiz – Patay ang isa ka mister matapos ini ang gina-alegar ginlabo sang mismo duha ka bayaw alas 6:20 ang takna sa gab-e sa Sitio Tina Brgy Acuña banwa sang Tapaz.
Ginkilala ang biktima kay Abelardo Gumayao y Lozada, 47-anyos ang pang-edaron kun sa diin ini ang nag-angkon sang mga patal nga pilas sa iya dughan kag iban nga parte sang kalawasan.
Samtang padayon nga atlarge ang mag-utod nga sanday Maichael kag Danilo Jimenez y Castor.
Nagaguha sa imbestigasyon sang kapulisan nga gingubat sang amu nga mga suspek ang biktima samtang ini ang yara sa ila poluy-an. Una nga nag-abot si Maichael Jimenez nga may dala nga pugakhang apang ini ang naagaw sang isa man nila ka paryente.
Magapalagyo pa kuntani ang biktima apang ini ang naabtan sang bayaw nga si Danilo Jimenez mga 20-metros halin sa poluy-an gani nga ini ang nalab-an gamit ang sanduko.
Gina-establisar pa sang mga otoridad ang matuod nga motibo sang krimen.
