‘ Kawatan ’ og electrical wire, nadakpan

32

Dipolog City – NADAKPAN ang usa ka 40-anyos nga lalaki human nasakpan nangawat sa electrical wire sa usa ka poultry farm pa­sado alas 9:00 ang takna sa buntag didtong dapita sa bayang, Barangay Gulayon, dakbayan sa Dipolog.

Ang suspek naila nga si Nelson Pelaryun Maran, residente sa Purok Romblon, Barangay Galas ning dakbayan, diin siya nasakpan sa akto ni Brgy. Kagawad Pascual Agora.

Sumala pa kining suspek nga si Maran nabantayan ni kagawad Agora nga gikan nigawas sa poultry farm sa dapit nga iya ni Marry Ann Alabastro nga dunay gidala dalang sako kolor green ingon man back pack kolor brown.

Gipanid-an matud pa sa nasangpit nga kagawad ang lihok sa suspek diin didto paigon sa kasagbutan bahin og iyang nasuta nga nagpanit diay kini sa mga electrical wire hinungdan gitaho niini sa Bayang Police Outpost.

Si Police Officer 2 Daymiel, ang Compac Supervisor, niresponde sa dapit maoy nidakop sa suspek og nakuha gikan sa posisyon ang gikawat nga 11 metros nga electrical wire numero (10) laing 6 metros nga electrical wire pdx (solid) igon man mga broze sa pinanitang wire.

Positibo sab nga giila sa tag-iya sa poultry farm, ang mga wire nakuha sa suspek human nasuta wa nay wire ang pipila ka bahin sa farm.

Lakip nabawi ang usa ka flat nose og long nose nga playis, Flat screw og Philip screw maoy matud pay gigamit sa suspek pagputol sa electrical wires.

Kasamtangang gibalhug sa prisohan sa Dipolog City Police Station ang dinakpan ug nagpaabot sa isang-at nga kaso.

Facebook Comments