CANDONI – Gin-inquest na sa Provincial Prosecutors Office sa Bacolod Hall of Justice si Ritchie Millendez, 32, sang Purok 4, Talacdan, Cauayan matapos ini ang ginpasakaan sang kaso nga paglapas sa Anti-Cattle Rustling Law.
Kon madumduman si Millendez ang nagkawat sang karbaw ang ginapanag-iyahan ni Rodel Evangelio nga pomoloyo sang man Talacdan, Cauayan.
Sa imbestigasyon sang dyHB, nga narecover kay Millendez sang Candoni Police ang karbaw sa Candoni Municipal Stockyard sang nagligad nga Domingo, Enero 14, 2018 las 8 pasado sang aga.
Sa record sang kapulisan sa Cauayan, makalima na ka beses nga ginhimo ni Millendez ang pagpangawat sang karbaw sa ila lugar sa Cauayan kag kalabanan sa Candoni sini ginabagsak.
Halin sa Bacolod Hall of Justice kaina, gilayon nga ginbalik si Millendez sa Cauayan Police Station kag temporaryo nga gindetained. / Ricky Filoteo photo
